یوم آزادی کے موقع پر وزیر اعظم مودی کی تقریر کے 10 بڑے اقتباسات :الجزیرہ_اردو
یوم آزادی کے موقع پر وزیر اعظم مودی کی تقریر کے 10 بڑے اقتباسات :الجزیرہ_اردو
وزیر اعظم نریندر مودی کی یوم آزادی کی یہ دوسری تقریر ہے، جب سے انہوں نے دوسری بار کامیابی حاصل کی ہے.
وزیر اعظم نریندر مودی نے 74 واں یوم آزادی کے موقع پر قومی پرچم لہرایا اور آج صبح لال قلعے سے یوم آزادی کی تقریر کی۔ وہاں جسمانی دوری کا خاص خیال رکھا گیا تھا اور سخت حفاظتی اقدامات موجود تھے کیوں کہ تقریبات کورونا وائرس وبا کے دوران ہورہی تھیں ۔
وزیر اعظم مودی کی تقریر کے سرفہرست 10 بڑے اقتباسات یہ ہیں:
1. "ہندوستان کو کئی صدیوں کی غیر ملکی حکمرانی کا سامنا کرنا پڑا۔ ہماری قوم ، ہماری ثقافت اور ہماری روایات کو ختم کرنے کے لیے تمام تر کوششیں کی گئیں ، انھوں نے ہماری خود اعتمادی اور عزم و حوصلے کو کم تر سمجھا۔ لیکن ہم ان سب کے ساتھ رہتے ہوئے بالآخر فاتحانہ طور پر ابھرے ۔"
2. "وہ لوگ جو اپنے جھنڈے گاڑنے کے لیے نئی جگہوں کی تلاش میں مصروف تھے ، جو اپنی سلطنت کو بڑھانا چاہتے تھے، وہ ہمیں کم تر سمجھتے تھے۔ دنیا نے دو عالمی جنگیں دیکھی اور بہت ساری قوموں کو بے پناہ تباہی کا سامنا کرنا پڑا ، لیکن ہم سب کے سب اس جنگ میں کس طرح شامل ہوئے کہ ہماری آزادی کی جدوجہد کو دنیا نے دیکھا۔"
3. "آج ، ہندوستان تین کووڈ 19 ویکسینوں پر کام کر رہا ہے ، جو ٹرائل کے مختلف مراحل میں ہیں۔ ایک بار جب وہ حتمی منظوری حاصل کرنے کے قریب ہوجائیں تو ، ہم اس کی تقسیم کے لیے روڈ میپ کا اعلان کریں گے۔"
4." آج سے ، ایک بڑی مہم چلائی جارہی ہے جس میں ٹکنالوجی ایک بڑا کردار ادا کرے گی۔ "نیشنل ڈیجیٹل ہیلتھ مشن" آج شروع کیا جارہا ہے۔ اس سے ہندوستان کے صحت کے شعبے میں ایک نیا انقلاب آئے گا جس کے ذریعے ٹیکنالوجی کی مدد سے علاج کروانے میں پریشانیوں کو کم کرنے میں مدد ملے گی۔
ہر ہندوستانی کو ایک ہیلتھ آئی ڈی دیا جائے گا۔ یہ ہیلتھ ID ہر ہندوستانی کے اکاؤنٹ کی طرح کام کرے گا۔
ہر ٹیسٹ ، بیماری اور اس کی تشخیص ، اور دواؤں کے ساتھ میڈیکل رپورٹس ہر شہری کی ہیلتھ ID میں محفوظ کی جائیں گی۔ وزیر اعظم نے اسکیم کا اعلان کرتے ہوئے کہا کہ صحت کے ان مسائل کو اس نیشنل ڈیجیٹل ہیلتھ مشن کے ذریعے حل کیا جائے گا۔"
5." میں تسلیم کرتا ہوں کہ بھارت کو "آتم نربھر" (خود انحصار) بننے کے لیے لاکھوں چیلنجز کا سامنا ہے ، اور ہاں ، باقی دنیا سے زبردست مقابلہ بھی ہے۔ لیکن میں ہمیشہ یہ کہتا ہوں کہ اگر ہندوستان کو لاکھوں چیلنجز کا سامنا ہے تو ، اس کے پاس 130 کروڑ حل بھی موجود ہیں۔"
6. "جیسا کہ پہلے بھی کہا گیا ہے ، ہم کسانوں کی آمدنی کو دوگنا کرنے کے لیے کام کر رہے ہیں۔ ہوسکتا ہے کہ آپ میں سے کچھ لوگوں کو یہ معلوم نہ ہو ،کہ ٹھیک دوسرے کاروبار کی طرح ، جہاں ایک تاجر کو یہ حق حاصل ہے کہ وہ ملک یا دنیا کے کسی بھی حصے میں اپنی مصنوعات یا خدمات بیچ سکتا ہے اور اس کی قیمت وہ وصول کرے جو وہ چاہتا ہے ، ہمارے کسانوں کو ، اب تک یہ آزادی نہیں ملی تھی ۔ وہ صرف وہیں فروخت کرسکتے تھے جہاں انھیں فروخت کرنے کو کہا جاتا تھا۔ لیکن اب ، ہم نے ان پابندیوں کو ختم کردیا ہے ، اور کاشتکاروں کو بہترین قیمت پر جہاں وہ چاہیں بیچنے کی آزادی دی ہے۔"
7." پوری قوم کی طرف سے ، میں تمام کرونا مجاہدین کی کاوشوں کا شکریہ ادا کرنا چاہتا ہوں۔ وہ تمام ہیلتھ کیئر ورکرز ، ڈاکٹرز اور نرسیں ، جنہوں نے وبائی امراض کے درمیان ملک کی خدمت کے لیے انتھک محنت کی ہے۔ یہاں تک کہ بہت سے لوگوں نے اپنی جان بھی گنوا دی۔ قوم انہیں سلام پیش کرتی ہے۔"
8." ہم نے دیکھا ہے کہ جب ہم کسی چیز پر دھیان دیتے ہیں تو ہم کچھ بھی حاصل کرسکتے ہیں۔ ہم نے کبھی پی پی ای کیٹس نہیں بنائی ، ماسک اور وینٹیلیٹروں کی ہماری پیداوار معمولی تھی ، لیکن آج ہم یہ سب بنا رہے ہیں۔"
9. "آج ، ہم ہندوستان کو نئی بلندیوں پر لے جانے کے لیے ، ایک نیا ہندوستان، ایک خود پر منحصر ہندوستان کی تعمیر پر توجہ مرکوز کر رہے ہیں۔ یقینی طور پر ہندوستان اس کو حاصل کرے گا۔ تاریخ اس حقیقت کا ثبوت ہے کہ جب ہندوستان کسی کام کو حاصل کرنے کے لیے پرعزم ہوا ہے تو اس نے ہمیشہ ایسا ہی کیا ہے۔ خود پر انحصار ہندوستان اب 130 کروڑ ہندوستانیوں کے لیے منترا بن گیا ہے۔"
10. "ہم کب تک خام مال برآمد کریں گے اور تیار سامان درآمد کریں گے؟ وقت آگیا ہے کہ ہم اس دائرہ کو ختم کردیں ۔ ہندوستان کو اب اپنی ہر چیز کو تیار کرنا چاہئے ، اور صرف ملک میں ہی نہیں دنیا بھر میں برآمد کرنا چاہیے، جیسا کہ ہم اس کے لیے کوشاں ہیں۔
#AljazeeraUrdu
Comments
Post a Comment