صومالیہ کے دو بم دھماکوں میں کم از کم سات افراد ہلاک: الجزیرہ_اردو
صومالیہ کے دو بم دھماکوں میں کم از کم سات افراد ہلاک: الجزیرہ_اردو
ہفتہ اور اتوار کو حملوں میں وانلاوین اور باکڈوین شہروں کو نشانہ بنایا گیا ہے ۔
اتوار کے روز پولیس اور فوجی افسران نے بتایا کہ صومالیہ میں گذشتہ 24 گھنٹوں کے دوران دو مختلف بم حملوں میں کم از کم سات افراد ہلاک ہوگئے ہیں۔
پہلے واقعے میں دارالحکومت موغادیشو کے شمال مغرب میں 90 کلومیٹر (56 میل) شہر قصبہ وانلاوین میں ایک فوجی اہلکار کے گھر کے سامنے لگائے گئے دو بم ہفتہ کے روز دیر سے پھٹے ، جس میں فوجیوں اور عام شہریوں سمیت چار افراد ہلاک ہوگئے۔
کسی بھی گروپ نے اس کی ذمہ داری قبول نہیں کی ہے۔ اس طرح کے حملے صومالیہ میں عام ہیں ، جہاں مسلح گروپ الشباب مرکزی حکومت کو گرانے کے لئے 12 سال سے مہم چلا رہے ہیں۔
پولیس کے ایک افسر ، محمد نور نے اتوار کے روز وانلاوین سے خبر رساں ادارے ریئوٹرز کو بتایا : "پہلے ہم نے گھر میں دھماکے کی آواز سنی۔ گارڈز اور رہائشیوں کو پتہ چلا تو دھماکے کی وجہ جاننے کے لیے نکلے ہی تھے کہ پھر دوسرا دھماکہ ہوا۔"
دوسرے واقعے میں ، اتوار کے روز وسطی صومالیہ کی ریاست گالمدوگ میں واقع باکڈوین قصبے میں، ایک فوجی چوکی پر ایک کار میں سوار تین جنگجوؤں نے خودکش بم حملہ کیا۔
گاڑی روکنے کے احکامات کو نظرانداز کرنے کے بعد فوجیوں نے گاڑی پر فائرنگ کردی۔ قریبی قصبے گلکایو میں ایک فوجی افسر میجر عبد اللہ احمد کے مطابق ، تین فوجی ہلاک اور دو دیگر زخمی ہوئے ہیں ۔
باکڈوین کے رہائشی حسن نور نے ریئوٹرز کو بتایا : "آج صبح خودکش کار بم دھماکہ کا مشاہدہ کرنے پر ہم لوگ گھبرا گئے ہیں۔ حکومتی دستے اس کے ہدف ہیں ، لیکن اس طرح کے حملوں سے عام شہریوں کو بھی جانی نقصان اٹھانا پڑے گا ۔"
#AljazeeraUrdu
Comments
Post a Comment