کشمیر فائرنگ میں 5 سیکوریٹی اہل کار اور 2 باغی ہلاک

کشمیر: فائرنگ میں 5 سکیورٹی اہلکار اور 2 باغی ہلاک 

 باغیوں کے ٹھکانے پر حملے کے بعد فائرنگ سے ہندوستانی فوج کا کرنل ، میجر ، دو فوجی اور ایک پولیس افسر ہلاک ہوگئے 

 حکام نے اتوار کے روز بتایا کہ ہندوستان کے زیر انتظام کشمیر میں اس وقت پانچ سیکیورٹی فورسز اور دو باغی ہلاک ہوگئے جب فوج اور پولیس نے ایک مکان پر دھاوا بولا جہاں باغی یرغمال بنائے ہوئے تھے۔

ایک بھارتی فوج کے بیان میں کہا گیا ہے کہ انسداد بغاوت کی پانچ رکنی ٹیم ہفتے کے آخر میں شمال مغربی ہندواڑہ کے علاقے میں گھر میں داخل ہوئی اور "عام شہریوں کو کامیابی سے باہر نکال لے آئی "، سرکاری افواج گھر سے ہونے والی شدید فائرنگ کی زد میں آگئی ، اور اس کے نتیجے میں دو باغی اور انسداد دہشت گردی ٹیم کے تمام ارکان ہلاک ہوگئے۔ 

اس میں یہ واضح نہیں کیا گیا کہ کتنے شہریوں کو بچایا گیا ہے۔  کسی باغی گروپ نے فوری طور پر کوئی تبصرہ نہیں کیا اور نہ یرغمال بنائے جانے والوں کی آزادی کی کوئی تصدیق ہوئی۔

 ایک پولیس افسر نے بتایا کہ ایک فوج کے کرنل اور ایک میجر نے ایک پولیس افسر اور دو دیگر فوجیوں کے ساتھ مل کر باغیوں کے ٹھکانے پر فائرنگ کر کے حملہ کرنے کی کوشش کی۔ افسر نے محکمہ کی پالیسی کو سامنے رکھتے ہوئے اپنا نام ظاہر نہ کرنے کی شرط پر بات کی۔

 اس افسر نے مزید بتایا کہ فوراً خصوصی دستوں کی کمک طلب کی گئی اور انہوں نے دو باغیوں کو گولی مار دی لیکن دو دیگر افراد ممکنہ طور پر فرار ہونے میں کامیاب ہوگئے۔ 

دریں اثنا ، اتوار کے روز کم سے کم آٹھ شہری جن میں تین کمسن بچے اور ایک نوعمر لڑکا شامل تھا ، ہفتے کے روز ہونے والی فائرنگ سے محض چند کلومیٹر کے فاصلے پر ایک دھماکہ خیز مواد سے ہونے والے دھماکے میں زخمی ہوئے تھے۔  پولیس دھماکے کی وجوہات کی تحقیقات کر رہی ہے۔

باغی 1889 سے ہندوستانی کنٹرول سے لڑ رہے ہیں. بھارت نے پاکستان پر جنگجوؤں کو مسلح اور تربیت دینے کا الزام لگایا ہے جب کہ پاکستان اس کی تردید کرتا ہے.

اب تک اس بغاوت اور اس کے نتیجے میں آنے والے بھارتی فوجی کریک ڈاؤن میں قریب 70,000 افراد ہلاک ہو چکے ہیں. 

#AljazeeraUrdu